Cultura | Deportes | Xuventude e Novas tecnoloxías | Servizos sociais | Maiores | Igualdade

SERVIZOS SOCIAIS

Prioridade, o Benestar das Persoas

As políticas sociais e de benestar venen a ser un dos eixos principais do programa de goberno de Pedro Piñeiro.

Esta prioridade ten o seu reflexo:

• Nunha continua implementación de programas e servizos, que nos últimos 4 anos  beneficiaron a máis de 2.200 persoas, dirixidos a diversos sectores de poboación (maiores, muller, infancia e mocidade, emigración, colectivos con necesidades especiais...).
• No incremento das partidas orzamentarias.
• Na concesión de prestacións e no deseño dunha Concellería forte que, en colaboración con outros departamentos e servizos, seguirá a ocuparse do benestar e do social dun xeito integral.

A través da Aula Ocupacional, os programas de contratación e outras accións formativas e de lecer estase a desenvolver unha importante labor  de  intervención, apoio e inserción dirixido a  persoas con necesidades especiais, programas que terán continuidade nun futuro, a través de convenios con outras institucións.

Saúde e Asistencia Social

Pedro Piñeiro amosou, nestes anos, unha principal preocupación polo dereito á saúde e á atención sanitaria:

• Mellorando a continuidade asistencial entre a Atención Primaria e a Especializada e prestando servizos de calidade.
• Potenciando programas de información e educación sanitaria que inciden no fomento de estilos de vida saudables (entre outros, un boletín informativo que foi distribuído entre a poboación).
• Promocionando a actividade física ou, o desenvolvemento de programas para a mocidade, co fin de diminuír o consumo de substancias tóxicas e a mellora da saúde sexual.