Obras significativas | Saneamento | Rede viaria | Espazos públicos | Patrimonio | Outros

 

REDE E SEGURIDADE VIARIA

 

Calidade Viaria e Seguridade Peonil

 

Co fin de mellorar a seguridade viaria e facilitar o acceso do tráfico rodado a tódolos lugares, estase a  traballar arreo para asinar convenios coa Xunta e Deputación, para poder afrontar os elevados custes que supoñen a construción de novas beiravías, apertura e aglomerado de novas pistas, creación de sendas peonís...

Dotar de beirarrúas ás principais estradas e núcleos de poboación é outro dos obxectivos que se impuxo o PSdeG-PSOE:

• Construíronse novas beiravías en Fachán, O Pazo-Té, Tanxil, Palleiro, Isorna, Veiguiña...  e novos tramos na estrada 305.
• Este verán, a Xunta vai dotar de arcéns varios tramos importantes desta vía ao seu paso por Araño e Taragoña

Durante esta lexislatura, continuando co plan de mellora da rede viaria local, o goberno  municipal actuou en diferentes frontes: abríronse, asfaltáronse e reparáronse tódalas pistas do municipio. Entre as executadas pódense mencionar  a apertura de pistas do Piñeiro e de Rial a Meiquiz, a mellora dos firmes dos accesos a Buía, Barral, Dorna, Somoza, Mámoa, O Piñeiro, Iñobre, Paradela, Castiñeirina, Isorna-Vacariza, etc.

 

 

 

 

 

 

 

 

 

Outro importante logro foi a remodelación da Ponte de Catoira, obra realizada polas Deputacións de A Coruña e Pontevedra, así como as actuacións realizadas ao longo da CP 3301 (Rianxo-Vacariza), onde se dotaron varios  tramos de arcéns e beirarrúas  (Palleiro, Isorna...). Está en fase de contratación, pola Deputación de A Coruña, a instalación de 22 novos puntos de luz no entorno da rotonda.

 

 

 

 

 

 

 

 

Ademais a Deputación realizará neste ano o estudio e posterior proxecto da circunvalación exterior por Rianxiño e a remodelación da Travesía do Pazo de Rianxo. A redacción deste proxecto será incorporada ó Plan de Travesías 2007 cun presuposto de 300.000€.

 

A Autovía da Barbanza xa en obras

 

Foi, dende sempre, unha estrada de accidentes e mortes, que Rianxo sufriu en primeira liña. Pedro Piñeiro, como alcalde e dende a presidencia da Mancomunidade, tentou por tódolos medios, co apoio da corporación e demais alcaldes, poñer fin a tanta dor.